مجموعة فرش كور كوليكشن من ريل تكنيكس - Core Collection from Real Techniques

مجموعة فرش للأساس تتكون من أربع فرش بلون أصفر معدني و بسعر حلو الفرش مصنوعة من شعر صناعي مناسب للماكياج السائل و الكريمي و كمان متعددة الاستعمالات يعني الفرشة الوحدة تقدرين تستخدميها لكذا غرض

 

 

الفرش تجي في علبة بلاستيك شفافة و معاها شنطة بلون أسود بصراحة ما حبيت الشنطة أبداً بس حجمها ينفع للسفر و شنطة اليد

 

 

 

مثل ما تشوفون مجموعة الكور كوليكشن فيها أربع فرش أساسية لوضع أساس الوجه

فرشة البافينغ Buffing Brush

 

فرشة منفوشة أطرافها متساوية تستخدم لدمج الأساس السائل و الكريمي و البودرة و البرونز و ممكن كمان البلاش أعتبرها أهم فرشة أساسية في المجموعة

فرشة الكونتور Contour Brush

 

فرشة محددة و مدببة الطرف تستخدم لتحديد و لنحت الوجه و ممكن تستخدمينها لوضع الإضاءة و لتوزيع البودرة تحت العيون. تعتبر من الفرش المهمة.

فرشة الأساس Pointed Foundation

 

فرشة مسطحة بطرف مدبب تستخدم لتوزيع و دمج الأساس في المناطق الصغيرة مثل حول العين وحول الانف و كذا. بالنسبة لي ما عجبتني الفرشة هاذي حسيت شعرها خفيف و مقاسها مو مناسب للتوزيع و الدمج

فرشة التوزيع الصغيرة Detailer Brush

 

تقريباً نفس فرشة الأساس اللي فوق بس أصغر تستخدم لتحديد الشفاه و الكونسيلر و لإخفاء الحبوب الصغيرة.

رأيي الشخصي:

نوعية الفرش ممتازة و جودتهم عالية بس ما أعتبرهم إحترافيين يعني يوفوا بالغرض و ما يتساقط شعرهم و ينفعون مره للمبتدئات. حلوين من ناحية النوعية و الجودة و السعر بس مو كلهم تحتاجينهم مثلا أنا اللي استخدمهم من المجموعة هاذي فرشة البافينغ و الكونتور بس باقي الفرش ما أستخدمهم أبد تمنيت انهم مفرقين عشان اخذ اللي أحتاجه وما أضطر أشتري مجموعة عشان فرشتين.