لوكاتي المفضلة للأظافر

لوك المناكير المحايد:

 

الألوان المحايدة  هي الالوان القريبة من الالوان الطبيعية . تعطي الأظافر جمال راقي و بساطة بشرط تكون درجة المناكير مناسبة. البشرة الفاتحة تناسبها درجات الأبيض والوردي الباهت . البشرة المتوسطة تناسبها درجات الرمادي والخوخي والبشرة الداكنة تناسبها درجات العاجي والبيج الغامق. حلوة للعمل واللوك الصباحي و المسائي الناعم وخيار مناسب لكل شي تقريباً. وهي أكثر لوك افضله وأحبه ♥

اللون الأحمر الكلاسيكي:

 

 

موضته ما تنتهي أبد ويعطيك مظهر أنثوي وغموض وجاذبية ويُفضل تستخدمي الروج الأحمر معاه أو حتى بدونه راح يطلع جميل. ينفع مع الأظافر الطويلة والقصيرة و مناسب إذا كنتِ حابة مظهر المرأة القوية.

لون المناكير الوردي:

 

 

سواءاً كان وردي باهت أو زهري متوسط أو فوشي فاقع. كل درجات الوردي تعطي طلة شبابية زاهية وما تنتهي موضتها. يناسب أكثر الصيف و الربيع.

لون المناكير الغامق:

 

 

من درجاته : بني شوكولا أو أزرق كحلي أو بنفسجي أو أخضر غامق أو أسود . اللون الداكن دارج وبقوة مو بس للشتاء والخريف  لكل المواسم  يناسب السهرات جدا. بشرط تكون الأظافر قصيرة, لأن لو كانت الأظافر طويلة بتظهر بشكل سيء . إذا كنت تحبين أظافرك طويلة حاولي تستخدمي الألوان الفاتحة أفضل.

الأظافر بشكلها الطبيعي:

 

 

مو ضروري تستخدمين المناكير بكل طلاتك. الأظافر بشكلها الطبيعي تعطي نعومة لليد بشرط تكون نظيفة وحوافها مرتبة بالمبرد. ويندرج كمان من ضمن الأظافر الطبيعية المناكير الفرنسي حلو مره يحسن شكل اليد و تبان نظيفة و مرتبة جميل جدا للأظافر القصيرة و الطويلة ، و مناسب جدا للعروس و ينفع مع كذا لوك .

 

لاحظي كيف يحسن من شكل الأظافر كأنه عملية تجميل لهم :)

وبكذا خلصت لوكات الأظافر اللي أحبهم إن شاء الله حبيتوهم أنتوا كمان أشوفكم  في بوست جديد  إن شاء الله ♥♥♥