شدوات ماك Brule, Satin Taupe و ويت ان وايلد Brulee, Nutty

كيفكم يا قمرات؟ إن شاء الله بخير و عافية :)

اليوم راح أتكلم عن ظلين من ماك و بديلهم من ويت ان وايلد.

ظل Brule من ماك و ظل Brulee من ويت ان وايلد:

ظل بروليه من الماركتين لونه كريمي فاتح اللون أساسي و تركيبته ساتان قريب من المطفي. مره أحب هاللون لمظهر طبيعي في الصباح تحت الحاجب ناعم و مايبان انك حاطه شي و حلو كمان على الجفن المتحرك مع لون ثاني في كسرة العين. البعض يستخدمه كبودرة بعد الكونسيلر تحت العين.

صورة أوضح للألوان:

الألوان قريبة مره من بعض بس قوام بروليه من ويت ان وايلد أنعم و يبان اللون بسهولة أكثر من بروليه ماك.

ظل Satin Taupe من ماك وظل Nutty من ويت ان وايلد:

ظل ساتن توب من أشهر ظلال ماك لونه خليط من الوردي و البني و الرمادي. اللون جميل جداً و يناسب كل البشرات و ممكن نستخدمه لمكياج ناعم و ثقيل و نفس الكلام لظل ناتي من ويت ان وايلد درجته قريبة من ساتن توب.

صورة أوضح للألوان:

لون ساتن توب أقرب للوردي شوي و ناتي من ويت ان وايلد  أقرب للبني بس مع هذا الألوان مره متشابهة وما يبان الفرق كثير.

سعر ظل ماك : 85 ريال تقريباً

سعر ويت ان وايلد : 8 ريال تقريباً

عيوب ظلال ويت ان وايلد:

الظل ممكن ينكسر بسهولة كبيرة و تغليفه مره فاشل و رخيص عدا كذا الألوان قوية و تبان من لمسة وحدة و قريبة مره لظلال ماك. الظلال اللامعة من هالماركة تتناثر بسبب الشيمر اللي فيها و تحوس الدنيا. ولازم تطلبينها أونلاين لانها مو متوفرة هنا و مع الشحن حطي في بالك انها ممكن تجي منكسره :(

رأيي الشخصي:

ظلال ويت ان وايلد نجحت في انها تكون بديل لدرجات ظلال ماك أكثر من أي ماركة ثانية (نكس مثلاً) لان أغلب درجات ظلال ماك المشهورة راح تلقينها بسهولة في ويت ان وايلد تقليدهم للون الشدو أقرب للون الأصلي بغض النظر عن عيوب ظلالهم (اللي ذكرتها فوق).