أحمر الخدود (البودرة) المفضل عندي My Favorites Powder Blushes

يسعد أوقاتكم بكل خير

 

 

في هالبوست راح أتكلم عن أفضل انواع ماركات أحمر الخدود البودرة اللي جربتهم وأيش اللي أحبه فيهم عيوبهم و أسعارهم و أجمل الألوان اللي جربتها.

 

 

 

 

7/ELF Studio Line Blush أحمر خدود ايلف

أغلب البنات تشتريه عشان سعره 3 دولار وألوانه قريبة لألوان بلشر نارس

تركيبته خفيفة و لونه بعد خفيف قوامه شوي مو ناعم و فيه شيمر خفيف وجودته معقولة بالنسبة لسعره وتغليفه. حلو انك تجربين ألوانه لان كل ألوانه تقليد لبلشر نارس بس أكيد مو نفس الجودة.

اللون في الصورة الاولى فوق: Paechy Keen

سعره: 12 ريال بدون الشحن.

6/ NYX Powder Blush أحمر خدود نكس

قوامه بودر أكثر من ايلف الجميل فيه كثرة ألوانه واللي أغلبها قريبة من ألوان بلشر ماك سعرة جميل وجودته حلوة يمكن عيبه علبته ما تنفتح و تتقفل بسهولة عشان كذا ينكسر بسرعة بس يظل من البلشرات المفضلة عندي.

ألواني المفضلة : Dusty Rose / Chocolate Moose

الألوان في الصور: Dusty Rose / Chocolate Moose

سعره: 35 ريال تقريباً.

 

5/ Sleek Makeup Blush أحمر خدود سليك ميك أب

ألوانه مره قوية و قوامة حلو لمسة خفيفة منه راح تعطيكِ لون غني  ألوانه جميلة مره  و بعضها صارخ  وهذا الشي ما تلاقينه بسهولة في الماركات اللي سعرها مناسب و فيه منه ألوان كثيرة تناسب البشرة السمرا

ألواني المفضلة : Suede / Coral / Rose Gold/ Pomegranate

اللون في الصورة الاولى فوق: Rose Gold

سعره: 30 ريال تقريباً بدون قيمة الشحن.

4/ theBalm Frat Boy احمر خدود ذا بالم فرات بوي

جربته من فترة و مره حبيته تركيبة البودرة ناعمة مره و تندمج مع البشرة بسهولة و تغليفة مره كيوت.

سعره: 80 ريال بدون الشحن.

 

3/ NARS Blush أحمر خدود نارس

جودته عالية و تركيبته و ألوانه مره جميلة و مميزة و كل الماركات الثانية صارت تقلد ألوانه وتنافسه عيبه سعره و مو بسهولة نلاقيه، بس يستحق التجربة وهو من أفضل البلشرات اللي جربتها.

اللون في الصورة الاولى فوق: Madly

سعره: 112 ريال بدون الشحن.

2/ MAC Blush أحمر خدود ماك

مره أحبه كتركيبة و قوام و لون و هو من أجمل أنواع البلشرات اللي جربتها أفضل نوع منه بالنسبة لي المطفي و Sheertone. لمعلومات أكثر هنا

ألواني المفضلة: Peaches/ Gingerly

الألوان في الصور: Peaches / Gingerly 

سعره: 100ريال تقريباً.

1/ Tarte Amazonian Clay 12 Hour Blush أحمر خدود تارت

من أجمل البلشرات اللي جربتها قوامه ألوانه و ثباته مره روعة و ناويه أجرب منه ألوان أكثر إن شاء الله.

كتبت عنه ريفيو هنا

اللون في الصورة الاولى: Exposed

سعره: 100 ريال بدون قيمة الشحن.

طريقة وضع أحمر الخدود:

في الصباح و المكياج الطبيعي يوضع أحمر الخدود على تفاحة الخد بشكل دائري يعطي مظهر حيوي و تورد صحي جميل في الصباح إعتمدي الألوان الوردية الطبيعية والوردي على خوخي وتجنبي الألوان القوية كالبني البنفسجي والألوان اللامعة.

في المساء و المناسبات انحتي شكل الوجه بواسطة أحمر الخدود عن طريق وضعه على تفاحة الخد وسحبه شوي إلى أعلى.

الفرشة المفضلة عندي لتوزيع أحمر الخدود:

فرشة البلاش من ريل تكنيكس روعة و تدمج اللون بشكل جميل.

 

و بكذا خلصت موضوعي شاركيني هنا أو في تويتر رأيك و تجربتك مع أحمر الخدود والأنواع المفضلة عندك و راح أكون سعيدة جداً بتجاربكم.

 

أشوفكم في تدوينة جديدة بإذن الله

♥♥♥